Serada Mix occitan – La Gougnotte

À propos

[Version FR en commentaire] 🎶 Dissabte 18/10 – 18h30 : Serada Mix occitan a La Gougnotte ✨ Pel segond còp, La Gougnotte aculhís un evenement del Festival Occitania entre sas parets. Ongan, serà una serada mix occitan, amb l'exposicion "30km" d'Estela Blénet e un mix d'influenças d'Occitania grana amb darc ! 💿 darc @isitdarc - mescladís occitan Dj e trobairitz, darc es una creatura dificila a classar. Vos prepausa un dj set cantat e parlat qu'oscillarà entre ambient e musica dançarèla, per destendre lo còs e l'esperit. Las musicas instrumentalas tradicionalas occitanas seràn invocadas amb d'autres tips de musicas contemporanèas (rap, jazz, musica experimentala) amb d'aparicions de voses improvisadas, benlèu legidas, perque se sent de còps d'umor poèta. 📸 Estèla Blenet @estelablb presentarà son exposicion fotografica "30km". ✨ Aquesta expausicion es un extrach d'un projècte mai bèl "30km de désert, des roseaux, des cailloux et presque toujours le mistral". Tot aquel trabalh es pensat a partir de l'òbra de Frédéric Mistral, Mirèio, prèmi Nobel de literatura. Mirèio es lo pretèxt, lo subjècte son nòstras identitats, lors imaginaris, se vòl parlar d'Occitània, aquel territòri fach de mantuna region administrativa mas traversat per la meteissa lenga que defendiá Mistral. S'agís de parlar d'un agach opressiu, aquel bastit pendent longtemps per d'autors que farguèron un imaginari misogin e patriarcal. Aquel fargat per lo torisme de massa, lo colonialisme. Lo projècte vòl èsser un espaci ont questionar nòstras multiculturalitats, nòstres rapòrts als imatges. Aital, aquel projècte parla de la representacion de Provença e d'Occitania, en tractant aquel espaci coma una iscla artificiala, un paisatge luènh, exotic e romantizat. Es tanben un elògi del banal, de la vida contemporanèa. 📍 La Gougnotte, Tolosa 📅 Dissabte 18 d’octobre, 18h30

Artistes