Delta Sònic + Mix Transe-òc - Serada Electrotrad
vendredi 3 octobre 2025 · 21:00
À propos
Delta Sònic, òme orquestra de las musicas tradicionalas del 3en millenari, torna al Dada per la 6ena serada electrotrad, amb son vaissèl extrà-temporal d'exploracion de monds sonòrs ! E coma de costuma, lo transe-òc vinil mix de Mr Brun & La Mascanha, mix 100% vinils occitans ! 🎶 Delta Sònic 🎶 Dels miratges de Camarga als confinhs de l'imaginari intergallactic, Delta Sònic interròga l'istòria passada e futura de las musicas popularas e tradicionalas dels païses d'òc.Es abans tot un projècte ludic que jongla amb lo patrimòni sonòr, l'oralitat, los instruments ancorats dins los paisatges.Es tanben lo rencontre amb las musicas electronicas, los jòcs sonòrs de las maquinas, la color e las mascas dels efièches : bal electro-trad, concèrt electric, als instruments o a la votz. Tèxtes ancians o poesia reïnventada, la lenga d'òc es aquí, fidèla companha d'una cultura creativa e phoenix, perpetualament renaissenta.De son pesuc, e de las melodias que travèrsan lo temps.Dèlta Sònic, es tot lo monde que dança e los ritmes seculars que travèrsan los còsses. 🎙 transe-òc vinil mix 🎙 MrBrun e La Mascanha vos fan viatjar a travèrs l’abondi de produccion de viniles occitans, plan prolific dins las annadas 70 e 80 mas tanben novelament, per un mix tan planant que ludic.Venètz bolegar ambe nautres, e descobrir lo nòstre patrimòni discografic ! 🎟 5€ / 7€ / 3€ (aderent·a·s de l'IEO 31) > Billetterie HelloAsso: https://www.helloasso.com/associations/institut-d-etudes-occitanes-de-haute-garonne/evenements/delta-sonic-e-mix-transe-oc-festival-occitania-03-10-2025